Франция үкіметтің зейнет жасын 62-ден 64-ке көтеру туралы шешімінен кейін халық арасында наразылық күшейіп келеді.

Ел бойынша Парижде, Лилль және Марсельде мыңдаған мыңдаған азамат қатысқан жаппай шерулер өтті. 

Франция Ішкі істер министрлігінің мәліметі бойынша, жүз мыңнан астам демонстранттар көшеге шығып, полициямен қақтығыстар болған.

Ішкі істер министрі Жеральд Дарманеннің айтуынша, тәртіпсіздіктер кезінде 149 полицей мен жандарм жарақат алған.

Қаңтар айында басталған зейнетақы реформасына қарсы жаппай наразылықтар басталғаннан бері 350 тәртіп сақшысы жарақат алған.