Франция премьер-министрі Элизабет Борн сейсенбіде соңғы күндері елде күніне 40,000-нан астам коронавирус инфекциясы анықталғанын және індеттің қарқын ала бастағанын мәлімдеп, адамдар көп шоғырланған жерлерде бетперде киюді қайта енгізуге шақырды.

«Эпидемия қайта оралды. Бұл жаңа толқын бізге еске салады: вирус жойылған жоқ, індет бізді қайтадан басып жатыр, біздерді өлтіріп жатыр", - деген Борн.

Француз Ұлттық Жиналысының алдында сөйлеген сөзінде Борн вирус жұқтыру қаупі жоғары деп есептелетін адамдар арасында күшейткіш вакцинацияның төмен деңгейіне алаңдаушылық білдірген.

Елде соңғы бір аптада ауруханаға жатқызулар 10 пайызға, ауыр медициналық көмекке жүгінушілер 22 пайызға өсіп, өткен аптада COVID-19-дан 400 адам қайтыс болған.

Францияның бірінші әйел премьер-министрі тұмау эпидемиясы және Франциядағы соңғы 10 жылдағы ең нашар бронхиолит эпидемиясы кезінде COVID-19 қайта өршуіне байланысты елдің аурухана жүйесі «қосымша қысымға» тап болатынын ескерткен.

Сонымен қатар, Борн кейбір профилактикалық шараларды, соның ішінде осал адамдардың айналасында және адамдар көп шоғырланған жерлерде бетперде киюді қайта енгізуге шақырған.