Францияда ондаған мың адам жаңа иммиграциялық заңға қарсы наразылық білдірді.

Le Monde хабарлауынша жексенбі күні наразылық білдірушілер Париж, Лилль, Канн, Лион және басқа да қалаларда түрлі акциялар өткізген.

Ішкі істер министрлігі дерегінше наразылық білдірушілер санын 75 мың деп есептесе, ұйымдастырушылар 150 мың деп мәлімдеді. 

Франция астанасындағы Эйфель мұнарасының жанына 16 мың адам жиналған. Лилль, Канн, Лион, Бордо және Мец қалаларында өткен шерулерге 2 мыңға жуық адам қатысты. Тулузадағы наразылық шерулеріне үш мыңнан төрт мыңға дейін демонстрант өз наразылығын білдірген.