29 маусымда Францияның шығысында қатты найзағайдан кейін көптеген елді мекендерде 60 сантиметр биіктікте бұршақ жауды.

Francetvinfo-ның хабарлауынша, қолайсыз ауа райының салдарынан ең көп жәбір көрген Пломбер-ле-Бен қаласы болды. Жергілікті тұрғындар мұз үйінділерін күректер және қар тазалағыштармен тазартуға кіріскен.

Ауа-райының нашарлауына байланысты қала маңындағы тас жолда көлік қатынасы тоқтап, көшелер мен үйлердің жертөлелерін су басқаннан басқа, электр сымдарын бүлінген. 

Франциядан басқа Германия мен Швейцарияның кейбір бөліктері қатты жаңбыр, бұршақ пен дауылдан зардап шекті. Германияда бірнеше автокөлік туннельдерін су басты, Штутгартта теміржол байланысы үзілді.