Париж Украинаға қару-жарақ пен әскери техниканы француз өндірушілерінен тікелей сатып алуға мүмкіндік беретін 200 миллион еуро қор құрып жатыр.

Бұл туралы Франция қарулы күштері министрі Себастьян Лекорню Киевте Украина қорғаныс министрі Алексей Резниковпен бірлескен баспасөз мәслихатында мәлімдеді.

Украина астанасына келген Лекорню Резников және Зеленскиймен кездесті.

Ол соғыс басталғаннан бері Францияның Украинаға «сенімді және тұрақты қолдау көрсетуі» туралы айтты.

«Біз Украина армиясының бұл қолдауды 2023 жылы жалғастыру қажеттілігін зерттедік», - деп жазды француз министрі Twitter-де.