Франция президенти Эмманюэль Макрон ҳозирча апрелда бўладиган президент сайловига ўз номзодини иккинчи муддат учун кўрсатгани йўқ, чунки у айни пайтда халқаро вазиятни юмшатиш билан банд. Бу ҳақда Франция ташқи ишлар вазири Жан-Ив Ле Дриан LCI телеканалига берган интервьюсида айтиб ўтди.

"Давлат раҳбари музокараларни Франция президентлигига номзод сифатида эмас, балки президент сифатида ўтказишни маъқул кўради", — деди вазир. Ле Дрианнинг фикрича, "халқаро вазият ҳали ҳам ўта қалтислигича қолмоқда". 

Францияда президент сайлови шу йил  10 ва  24 апрель кунлари, яъни икки босқичда  бўлиб ўтади. Ҳозиргача сайлов пойгасида иштирок этиш режасини 40 дан зиёд номзод эълон қилган.  

Сайловга атиги 51 кун қолди, лекин Макрон ҳалигача ўзининг режасини ошкор қилмади. Бу галги сайлов компанияси 4 мартдан, яъни номзодларни рўйхатга олиш якунига етгач бошланади.