Қирқ олти нафар мигрант кичик қайиқда Ла-Манш буғозидан Англия соҳилларига етиб олмоқчи бўлганда Франциянинг шимолий соҳилларида қутқариб олинган.

Хабарда айтилишича, қутқарувчилар жуда қийин аҳволда қолган мигрантларни соҳилга чиқариб олиш учун бир қанча уринишларни амалга оширган. Айни пайтда уларнинг барчаси Франция соҳилига олиб чиқилган ва полиция ҳамда шифокорлар ихтиёрига топширилган.

Май ойида ҳам худди шундай воқеа ҳақида хабар берилган эди. Ўшанда 100 дан зиёд мигрантлар Ла-Маншни кесиб ўтмоқчи бўлганида Франция соҳилларида қутқариб олинганди.