Франция соғлиқни сақлаш вазири Оливье Веран янги йил байрамини нишонлашни бекор қилишга чақирди.

Унинг сўзларига кўра, “пандемия даврида янги йилни қарши олишнинг энг яхши йўли – уни кутиб олмасликдир”.

“Le Journal du Dimanche” наршрининг ёзишича, вазир байрам туфайли чеклов чораларининг юмшатилиши касаллик суратининг ошишига сабаб бўлишидан хавотирда.  

Веран, шунингдек, байрам кунларида чекловлар янада кучайтирилишини истисно қилмаган.

Айни пайтда у 2021 йилда французлар катта байрам уюштириб, вирус устидан ғалабани нишонлашига умид билдирган.

Эслатиб ўтамиз, ҳозирда Францияда коммендантлик соати жорий қилинган.