Франция президенти Эммануэль Макрон ички ишлар вазири Жеральд Дарманендан қора танли эркакка куч ишлатган полиция ходимларини жазолашни талаб қилди.

“Europe 1” бу ҳақда Франция ахборот манбаларига асосан хабар тарқатган.

Эслатиб ўтамиз, француз ахборот манбаларида бир неча полициячи қора танли эркакни дўппослаётган тасвирлари тарқалган.  

Маълум бўлишича, мусиқа продюсери Мишелни полициячилар ниқоб тақмагани учун жазолашган.

Продюсернинг айтишича,  полициячилар уни ирқий камситган ҳолда ҳақоратлаб, дастлаб уч полициячи қийнаган, кейин эса, уларга тўртинчиси қўшилган.