Франциянинг амалдаги Бош вазири Франсуа Байру ҳукумати парламентдаги овоз бериш натижасига кўра истеъфога чиқади.

Маълум қилинишича, 364 депутат ҳозирги ҳукуматга ишончсизлик билдирган.

Байру овоз бериш арафасидаги нутқида кўплаб масалалар, хусусан, ўсиб бораётган давлат қарзи ҳақида гапириб, ҳукумат таклиф қилган тежамкорлик чораларини асослашга ҳаракат қилди. Шунингдек, ўз истеъфоси ушбу муаммоларни ҳал қилмаслигини ҳам қўшимча қилди.

Август ойи бошида ҳукумат раҳбари Франциянинг давлат қарзи ҳар сонияда беш минг евро ошаётганини таъкидлаб, охирги марта мувозанатли бюджет ярим аср олдин, яъни 1974 йил тақдим этилганини эслатганди. Кейинроқ ички ишлар вазири Бруно Ретайо Франция ҳеч қачон бу қадар молиявий тубсизликка яқинлашмаганини айтган.

<iframe width="560" height="315" src="https://www.youtube.com/embed/_XPwDmbSK7w?si=XNHl5iGSb4worIpC" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

С.Раҳимов, ЎзА