Президент Эммануэль Макроннинг маълум қилишича, Франция Aфрикада Covid-19 вакцинасини ишлаб чиқаришни кучайтиришга маблағ ажратади.

Преторияда Жанубий Aфрика Республикаси Президенти Сирил Рамафоса билан қўшма матбуот анжуманида сўзга чиққан Макрон Aфрика дунёдаги вакцинага бўлган эҳтиёжнинг 20 фоизини, вакцина ишлаб чиқаришнинг эса атиги 1 фоизини ташкил этишини таъкидлади.

Унинг сўзларига кўра, Франция Жанубий Aфриканинг Биоваc институти билан ҳамкорликни йўлга қўйган ва тез орада Жанубий Aфриканинг Aспен фармацевтика компанияси билан ҳам лойиҳа йўлга қўйилади.

Рамафоса вакцина етарли бўлган давлатлар уларни захира қилмай, балки имкон қадар тез фурсатда муҳтож давлатларга юбориши кераклигини айтди.

Франция йил охиригача Aфрикага 30 миллион Covid-19 вакцинасини етказиб беришни режалаштирмоқда, бу Европа Иттифоқи жорий йил Aфрикага етказиб беришни режалаштирган 100 миллиондан зиёд дозасининг бир қисми ҳисобланади.