Парламент қуйи палатасида қабул қилинган болаларни ижтимоий ҳимоя қилиш тизимини такомиллаштиришга қаратилган қонун лойиҳасида акс этган таълим ташкилотида таълим-тарбия берувчи шахс томонидан болага нисбатан зўравонлик ҳолатлари содир этилгани учун маъмурий жавобгарлик белгилашга оид норма баҳсларга сабаб бўлган эди.

Хусусан, “Миллий тикланиш” демократик партияси фракцияси раҳбари Алишер Қодиров таълим-тарбия бериш жараёнида болага нисбатан зўравонлик ҳолатлари содир этилгани учун педагогни бир йил давомида педагогик фаолиятдан четлатишга оид ушбу нормага қаршилик билдирган эди.  

Аммо лойиҳа қайта такомиллаштирилиб, унга зўравонлик турлари бўйича киритилган таҳририй ўзгартиришлардан сўнг фракция раҳбари ушбу нормага эътирози йўқлигини билдирди.  

“Миллий тикланиш” демократик партиясининг матбуот анжуманида партия етакчиси, фракция раҳбари Алишер Қодиров оммавий ахборот воситалари вакилларининг бир қатор саволларига жавоб қайтарар экан, айнан ушбу қонун лойиҳасидаги норма бўйича фракция нега ўз позициясида қатъий турмади, деган саволга жавоб берди.  

Батафсил қуйидаги видеоҳаволада.  

<iframe width="640" height="420" src="https://www.youtube.com/embed/S1q9rE0va9M" title="Fraksiya zo‘ravonlikka qarshi norma bo‘yicha o‘z pozitsiyasida qoldimi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳтарама Комилова,

Дониёр Якубов, Искандар Исматов (видео), ЎзА