ФОТОРЕПОРТАЖ

Россия Федерациясининг ТАСС ахборот агентлиги томонидан фотомухбир ва видео операторлар учун бир ҳафталик ўқув-амалий семинар ташкил этилди.

[gallery-26575]

Мустақил Давлатлар Ҳамдўстлигига аъзо давлатлар ахборот агентликлари ва босма нашрлар фотомухбирлари ҳамда видео операторлари иштирок этган семинар давомида замонавий фотожурналистиканинг асосий хусусиятлари, ривожланиш тенденцияси бўйича машғулотлар олиб борилди.

Ўқув-амалий семинар ТАСС Фотоахборот таҳририятининг иш фаолияти билан танишувдан бошланиб, қизиқарли тренингларга уланди. Айниқса, ТАСС Фотохроника бўлими бошлиғи, таниқли фотомусаввир Сергей Шахиджанян, “World Press Photo – 2025” фототанлови ғолиби Михаил Терешенко, видеоконтент тайёрлаш бўйича катта тажрибага эга Максим Чурусов иштирокидаги назарий ва амалий машғулотлар соҳа вакилларини фотожурналистиканинг ўзига хос, бой оламига етаклади.

Янги дунёда ахборот тайёрлаш ва узатишда сунъий интеллектдан ўринли фойдаланиш, суиистеъмол қилмаслик ҳамда журналистиканинг “Зарар келтирма” олтин қоидасини ёдда тутиш кераклиги яна бир бор эслатилди.

Шавкат Тоҳиров, ЎзА