Тошкент вилоятидаги Угом-Чотқол миллий боғи пойтахтдан 120 километр узоқликда жойлашган.

Боғнинг бетакрор табиати, иқлими, ўзига хос ландшафти, хилма-хил ноёб ўсимлик дунёси йилнинг тўрт фаслида ҳам ҳар қандай кишини ўзига мафтун этмай қўймайди.

Кўклам сепини ёйган шу кунларда боғ ҳар қачонгидан-да гўзал манзара касб этган. Тоғ билан туташ кенгликлар, гўзал либосда товланаётган гул-чечаклар, сайроқи қушлар, сой ва жилғалардан ўйноқлаб тушаётган зилол сув борлиқнинг бутун гўзаллигини намоён этган гўё.