Фоторепортаж: Дарддан фориғ бўлганлар қувончи
Фарғона вилоятида юқумли касалликлар шифохонасида коронавирусга чалинган икки нафар бемор бутунлай тузалиб, реабилитацияга олинди.
Хабар берганимиздек, бугун Фарғона вилоятида юқумли касалликлар шифохонасида коронавирусга чалинган икки нафар бемор бутунлай тузалиб, реабилитацияга олинди.
Тузалганлар Андижон ва Тошкент вилоятидан бўлиб, жорий йил 25 март куни Туркиядан Фарғонага чартер рейси билан келишган ва карантинга олинган.
Улар вилоят ҳокими ўринбосари Ф. Қосимов, вилоят соғлиқни сақлаш бошқармаси бошлиғи О. Умаров ва бошқалар иштирокида реабилитацияга кузатилди.
Бу беморларда 27 март куни коронавирус инфекцияси тасдиқланган бўлиб, шифокорлар томондан халқаро стандартлар асосида олиб борилган тўғри даволаш муолажалар туфайли айни пайтда дарддан тўлиқ фориғ бўлишди.
-Бизни соғлигимиз учун қайғурган Президентимизга раҳмат, -дейди беморлардан бири.- Бу ерда шифокорлар бизга жуда яхши қарашди. Уларнинг муолажалари билан бу дарддан холос бўлдик.