Чимбой туманида Ўзбекистон Республикаси Ёшлар ишлари агентлиги Қорақалпоғистон Республикаси бошқармаси ташаббуси билан ёшлар форуми ўтказилди.

Форум доирасида узоқ масофага югуриш, волейбол бўйича мусобақа, “Театр ва ёшлар”, “Ҳоким ва ёшлар” учрашувлари, “Энг намунали сардорлар кенгаши” кўриги, “Янги Ўзбекистон – Янгича дунёқараш” мавзуида расмлар танлови ўтказилди. Шунингдек, тадбирда 10 нафар ёшга имтиёзли кредит асосида расмийлаштирилган юк ташиш мотоцикллари топширилди.

[gallery-2069]

Ёшларни тадбиркорликка қизиқтириш мақсадида тумандаги илғор фермерлар, тадбиркор ва ҳунармандларнинг қишлоқ хўжалиги, ишлаб чиқариш ва ҳунармандчилик маҳсулотлари кўргазмаси ташкил этилди.

Форум якунида тадбирларда фаол иштирок этган ёшлар диплом ва эсдалик совғалари билан тақдирланди.

Туман маданият бўлими томонидан тайёрланган концерт дастури барчага хуш кайфият бахш этди.

Мақсад ҲАБИБУЛЛАЕВ (сурат), ЎзА