Улкан байроқнинг узунлиги 14, эни 7,5 метр,оғирлиги 33 килограмм.

Мамлакат байроғи асрлар давомида яшаб келган миллат руҳини ифода этувчи фалсафий тимсол ҳисобланади. У ўзида тарих, маданий мерос, қадим анъаналар ва бугунги мафкурани мужассам этади. Давлат байроғи расман урфга кирганига 300 йил бўлган бўлса-да, бизнинг диёримизда бу анъана қадим ўтмишга бориб тақалади. Манбаларда қайд этилишича, Соҳибқирон Амир Темур 1370 йилда асос солган Турон салтанатининг ўз рамзи – Темур туғи ва тамғаси жорий қилинган.

Мустақил Ўзбекистонимиз дунё ҳамжамиятининг тўлақонли аъзоси сифатида эътироф этилгач, 1991 йилнинг 18 ноябрида Давлат байроғи қабул қилинди. У халқаро муносабатларда Ўзбекистон тимсоли ҳисобланади.