Сурхондарё вилояти Термиз шаҳридаги Ёшлар марказида иқтидорли, фаол ва ташаббускор қизларни бир жойга жамлаган “Қизлар форуми” бўлиб ўтди.

“Сенинг ташаббусинг – сенинг келажагинг учун” шиори остида ташкил этилган форумда 300 га яқин қиз иштирок этди.

Тадбирда юртимизда хотин-қизларга қаратилаётган эътибор, жамиятдаги фаоллигини ошириш, қўллаб-қувватлаш, уларни қийнаётган муаммоларни ўз вақтида ўрганиб бартараф этиш борасидаги чора-тадбирлар хусусида сўз юритилди.

[gallery-4249]

“Ёшлар дафтари” рўйхатига киритилган 15 нафар қизга субсидия асосида тикув машиналари топширилди. Шунингдек, тадбир давомида “Қизлар клуби” ҳамда “Волонтёрлар мактаби” аъзолари билан бир қаторда ички ишлар, Ўзбекистон миллий гвардияси ва бошқа турли соҳаларда хизмат вазифасини ўтаётган фаол ва иқтидорли қизларнинг йил давомидаги ташаббуслари эътироф этилиб, муносиб тақдирланди.

Жонибек ҚЎЗИМУРОДОВ (сурат), ЎзА