Ўзбекистон Республикаси ташқи ишлар вазири Абдулазиз Комилов Россия Федерацияси ташқи ишлар вазири ўринбосари Андрей Руденко, шунингдек, Россиянинг Қозоғистондаги Фавқулодда ва мухтор элчиси Алексей Бородавкин, Қирғизистондаги элчиси Николай Удовиченко, Тожикистондаги элчиси Игор Лякин-Фролов, Ўзбекистондаги элчиси Олег Малгиновни қабул қилди.

Суҳбат чоғида томонлар минтақавий ҳамкорликнинг турли жиҳатлари бўйича фикр, мулоҳаза алмашдилар, Россия ва Марказий Осиё мамлакатлари билан икки томонлама ҳамкорлик истиқболини муҳокама қилдилар.

Хавфсизлик масаласи, жумладан, Афғонистондаги вазиятга алоҳида эътибор қаратилди.Томонларнинг БМТ, МДҲ, ШҲТ ва бошқа халқаро ташкилотлар доирасида жадал ҳамкорлик олиб бораётгани мамнуният билан қайд этилди.

[gallery-5083]

Оқил ҒУЛОМОВ (сурат), ЎзА