Bilamizki, Xitoy jahon bozorida choy yetishtirish va uni eksport qilish bo‘yicha yetakchi davlatlar qatorida turadi. Xitoydan choy import qilishda O‘zbekiston ham bu davlat bilan azaldan mustahkam aloqalarni bog‘lagan.

Xitoylik mutaxassislarning ta’kidlashicha, O‘zbekiston Xitoy uchun azaldan eng yaxshi hamkor davlat bo‘lib kelgan. Boisi, dunyo xalqlari orasida o‘zbeklar choy iste’molida oldingi o‘rinlarda turadi.  

Kosonsoy tuman hokimligi tashabbusi bilan “Kushon” kichik sanoat zonasida joylashgan “Namangan Golden Tea Paking Faktori” korxonasida xitoylik investorlar ishtirokida tadbir tashkil etildi.  

[gallery-15575]

“Namangan Golden Tea Paking Faktori” korxonasi choy qadoqlash va sotish loyihasiga 20 milliard so‘m investitsiya kiritgan. Ayni paytda choy qadoqlash salmog‘ini oshirish va yangi ish o‘rinlarini yaratish maqsadida xitoylik hamkorlarning o‘zlari ham investitsiya kiritishlari borasida o‘zaro hamkorlik shartnomasi imzolandi. Bu bilan birgina mazkur korxona orqali Namanganda choy qadoqlash va savdoga chiqarish ko‘lami sezilarli ortadi.

O‘zA fotomuxbiri

Hotam MAMADALIEV olgan suratlar.