Chimboy tumanida O‘zbekiston Respublikasi Yoshlar ishlari agentligi Qoraqalpog‘iston Respublikasi boshqarmasi tashabbusi bilan yoshlar forumi o‘tkazildi.

Forum doirasida uzoq masofaga yugurish, voleybol bo‘yicha musobaqa, “Teatr va yoshlar”, “Hokim va yoshlar” uchrashuvlari, “Eng namunali sardorlar kengashi” ko‘rigi, “Yangi O‘zbekiston – Yangicha dunyoqarash” mavzuida rasmlar tanlovi o‘tkazildi. Shuningdek, tadbirda 10 nafar yoshga imtiyozli kredit asosida rasmiylashtirilgan yuk tashish mototsikllari topshirildi.

[gallery-2069]

Yoshlarni tadbirkorlikka qiziqtirish maqsadida tumandagi ilg‘or fermerlar, tadbirkor va hunarmandlarning qishloq xo‘jaligi, ishlab chiqarish va hunarmandchilik mahsulotlari ko‘rgazmasi tashkil etildi.

Forum yakunida tadbirlarda faol ishtirok etgan yoshlar diplom va esdalik sovg‘alari bilan taqdirlandi.

Tuman madaniyat bo‘limi tomonidan tayyorlangan konsert dasturi barchaga xush kayfiyat baxsh etdi.

Maqsad HABIBULLAEV (surat), O‘zA