Toshkent viloyatining Chinoz tumanidagi “Tong yulduzi” mahalla fuqarolar yigʻinida qoʻshaloq bayram nishonlandi.

Toshkent viloyatining Chinoz tumanidagi “Tong yulduzi” mahalla fuqarolar yigʻinida qoʻshaloq bayram nishonlandi.

Bu yerdagi 47-umumtaʼlim maktabi taʼmirlanib, 180 oʻrinli qoʻshimcha bino va sport zali qurildi. Shuningdek, 60 oʻringa moʻljallangan 8-maktabgacha taʼlim muassasasi ham yangidan barpo etildi. Eʼtiborlisi, har ikki muassasada ham taʼlim-tarbiya oʻzbek va tojik tillarida olib boriladi.

Aholi bandligini taʼminlash maqsadida hududda 120 ish oʻrniga moʻljallangan toʻqimachilik fabrikasi tashkil etildi. Namunaviy loyihalar asosida 2 sotixli 28 ta turar joy barpo etilib, egalariga topshirildi.