FIA Бас Ассамблеясы мен FIA марапаттау рәсімі 9–12 желтоқсан күндері Ташкент қаласында өтеді. Іс-шараларға 100-ден астам кәсіби пилот қатысады.

Орталық Азия тарихында алғаш рет «FIA General Assembly» және «FIA Awards» салтанатты жиыны Ташкентте ұйымдастырылады. 

Бұл туралы Ташкент қаласы әкімдігінің баспасөз қызметі хабарлады.

Шара аясында алғаш рет «FIA Gala» — автоспорт әлеміндегі ең беделді марапаттау рәсімі өтпек. Онда әртүрлі авто және мото жарыс чемпионаттарының жеңімпаздары ресми түрде марапатталады.

Атаулы шараға дүниежүзілік автоспорттың ең ірі ұйымы FIA басшылығы, 149 елден 500-ден астам жоғары мәртебелі делегаттар мен ұлттық федерация өкілдері, сондай-ақ 100-ден астам кәсіби Формула пилоттары қатысады.