Команда маусым соңына дейін әлі 6 кезең қалғанына қарамастан, қарсыластары үшін қол жетпес межеге жетті.

McLaren тобы Сингапур Гран-присінің қорытындысына сәйкес қатарынан екінші рет және жалпы есебінде оныншы мәрте Формула-1 конструкторлар кубогін иеленді.

Қала көшелеріндегі трассада өткен жарыста британдық Джордж Расселл («Mercedes») жеңімпаз атанды. Екінші орынды нидерландиялық Макс Ферстаппен («Red Bull»), үшінші орынды британдық Ландо Норрис («McLaren») иеленді.

McLaren кубокты мерзімінен бұрын жеңіп алу үшін өз шабандоздарының бірі — Норрис не Оскар Пиастри — жүлдегерлер қатарынан көрінуі қажет еді.

Өткен жылы McLaren конструкторлар кубогін тек соңғы жарыста (1998 жылдан кейін алғаш рет) жеңіп алып, Норристің жеңісінің арқасында Ferrari тобын 14 ұпайға артта қалдырған болатын.

Маусымның соңына дейін әлі алты жарыс бар. Осылайша, McLaren маусымдағы ең жылдам жеңіске жету бойынша 2023 жылғы Red Bull рекордын қайталады.