АҚШ-тың Флорида штатындағы Майами қаласында орналасқан халықаралық автодромда «Формула-1» жарыстарының Майами Гран-приі өтті.

Күтпеген жерден жеңіс «Макларен» командасының пилоты Ландо Норриске бұйырды. Ол 308,326 шақырымды құрайтын 57 айналымды ең жақсы нәтижемен бағындырды.

«Ред Булл» жетекшісі Макс Ферстаппен екінші орынды иеленсе, үздік үштікті Чарльз Леклер (Феррари) аяқтады. Аты аңызға айналған әлем чемпионы Льюис Хэмилтон бұл жолы 6-орынға тұрақтаған.