Лас-Вегаста формула-1 маусымының жиырма екінші кезеңі Лас-Вегас Гран-приі өтті.

«Лас-Вегас-Стрип» трассасында өткен жарыста «Mercedes» командасының британдық жарысушысы Джордж Рассел жеңіске жетті. Екінші орынды оның командаласы Льюис Хэмилтон иеленсе, «Ferrari» пилоты Карлос Сайнс үшінші орынды місе тұтты.

«Red Bull» өкілі Макс Ферстаппен бесінші орынды еншіледі. Оның көрсеткіші чемпиондыққа математикалық мүмкіндікке ие «McLaren» пилоты Ландо Норристен бір саты жоғары болды. Осы нәтижемен Ферстаппен биылғы маусымда мерзімінен бұрын чемпионы атанды. Оның есебінде 403 ұпай бар.

Алдағы уақытта Қатар мен Әбу-Дабиде өтетін Гран-примен 2024 жылғы маусым аяқталады.

Әлем чемпионаты, 22-кезең. 

ТОП-10:

1. Джордж Рассел («Mercedes»)
2. Льюис Хэмилтон («Mercedes»)
3. Карлос Сайнс («Ferrari»)
4. Шарль Леклер («Ferrari»)
5. Макс Ферстаппен («Red Bull»)
6. Ландо Норрис («McLaren»)
7. Оскар Пиастри («McLaren»)
8. Нико Хюлькенберг («Haas»)
9. Юки Цунода («AlphaTauri»)
10. Серхио Перес («Red Bull»).