Формула-1 бойынша Бельгия Гран-приінде «Ред Булл» пилоты Макс Ферстаппен жеңіске жетті.

Нидерландылық спортшы кезекті жеңісінен соң 2022 жылдық маусымның турнирлік кестесіндегі көшбасшылығын нығайтты. Қазір оның еншісінде 284 ұпай бар.

Спа-Франкоршам трассасында өткен жарыста екінші орын тағы бір «Ред Булл» командасының пилоты Серхио Переске нәсіп етсе, үздік үштікті «Феррари» жүргізушісі Карлос Сайнц қорытындылаған.

Бельгия Гран-приінен кейінгі жеке классификациялы кесте мынадай:

1. Макс Ферстаппен (Ред Булл) – 284 ұпай 

2. Серхио Перес («Ред Булл») – 191

3. Шарль Леклер («Феррари») – 188

4. Карлос Сайнц («Феррари») – 171

5. Джордж Рассел («Мерседес») – 170

6. Льюис Хэмильтон («Мерседес») – 146

7. Ландо Норрис («Макларен») – 76

8. Эстебан Окон («Альпин») – 64

9. Фернандо Алонсо («Альпин») – 51

10. Валттери Боттас («Альфа Ромео») – 46

Формула-1 жарысының келесі кезеңі, Голландия Гран-приі 4 қыркүйекте Зандворт трассасында өтеді.