АҚШда “McDonald's” ходими мижозлардан бири билан жанжаллашиб қолиб, унга қарата ўт очди. “Fox News” хабарига кўра, ножўя ҳаракат қилган қиз аллақачон қўлга олинган.

Нашр қайд этишича,  Флорида штати Лейкленд шаҳрида 22 ёшли Чассиди Гарднер тез овқатланиш масканида меҳмон билан жанжаллашиб қолган. Сўнгра кетишга чоғланган меҳмонларга ичимлик отган.

– Икки мижоз машинадан туриб, Гарднерга жавобан ичимлик идишини улоқтириш учун ойнани очди, – дейди полиция ходими. – Бу вақтга келиб мажмуа хизматчиси тўппонча билан қуролланган эди.

Хуллас, ресторан ходими тўхташ жойини тарк этмоқчи бўлган машинага қарата ўқ узган. Уни бир машина уриб юборган. Қурбонлар ҳақида маълумот берилмаган. Гарднер ҳужумда айбланиб ҳибсга олинган.