Фанлар академияси Ион-плазма ва лазер технологиялари институтида кичик ўлчамли илғор материалларни яратиш бўйича халқаро конференция бўлиб ўтмоқда.

Конференция жорий йилнинг 18-19 февраль кунлари Самарқанд шаҳрида бошланган эди. 

Ушбу тадбирда Жанубий Кореянинг физиклар жамияти раиси ва аъзолари ҳамда Россия, АҚШ, Украина ва юртимиздаги шу соҳага қизиқиши баланд бўлган ёшлар фаол қатнашмоқда. 

—Тадбирда ҳозирги пайтда электроника, энергетика, тиббиёт, биология соҳасида қўлланилаётган кичик ўлчамли материаллар, уларнинг хоссалари, имкониятлари олимлар иштирокида муҳокама қилинмоқда, — деди Ион плазма ва лазер технологиялари институти директори Ҳотам Ашуров. — Олинган натижалар, келажакда қилиниши керак бўлган режалар, имкониятлар ҳақида таклифлар берилмоқда. 

<iframe width="650" height="420" src="https://www.youtube.com/embed/Lgp8N_LQIqI" title="Fizik olimlar Oʻzbekistonda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Шуни алоҳида таъкидлаш жоизки, бугунги кунда институт олимлари томонидан кичик ўлчамли катализаторлар синтези устида иш олиб борилмоқда. Бу тадқиқот бир нечта усул ёрдамида ўрганиляпти. 

Ушбу тадбир энг долзарб соҳалар бўйича тадқиқот йўналишларини белгилаб беради. Бу ўзбекистонлик олимлар учун муҳим қадамлардан бири бўлади. 

Н.Раҳмонова, Н.Абдувоитов (видео), ЎзА