«Fitch Ratings» халықаралық рейтинг агенттігі «Узбекнефтгаз» АҚ-ның кредиттік рейтингін «BB-» деңгейінен «BB» деңгейіне көтерді.

Бұл туралы агенттіктің баспасөз қызметі хабарлады. 

Аталған шешім 2025 жылғы 26 маусымда Өзбекстан Республикасының егемен кредиттік рейтингі «BB» деңгейіне көтеріліп, болжам «Тұрақты» деп белгіленгеннен кейін қабылданды.

Рейтингтің жоғарылауы – компанияға мемлекет тарапынан көрсетіліп жатқан тұрақты әрі жүйелі қолдаудың, сондай-ақ оның ел экономикасындағы маңызды рөлінің айқын дәлелі.

Айта кету керек, «Узбекнефтгаз» АҚ – толықтай мемлекеттік меншік болып, оның қызметі тікелей мемлекеттік бақылауда жүзеге асырылады. Сонымен қатар, газ бағасы үкімет тарапынан реттеледі, компания мемлекеттік кепілдіктер, салық жеңілдіктері және басқа да экономикалық қолдау шараларымен қамтамасыз етілген.

Бұған қоса, «Fitch Ratings» агенттігі «Узбекнефтгаз» АҚ-ның Өзбекстан экономикасындағы стратегиялық маңызы мен мемлекеттің энергетикалық қауіпсіздігін қамтамасыз етудегі шешуші рөлін де ескерген.

Мұндай оң рейтингтік өзгеріс компанияның халықаралық деңгейдегі қаржылық тұрақтылығын және мемлекет тарапынан көрсетіліп жатқан сенімді қолдауды көрсетеді.