Фирибгар қўлга олинди
Жорий йилнинг 18 январь куни Фарғона вилояти ИИБ Департаментнинг Бағдод тумани бўлими ҳамда туман ИИБ тезкор ходимлари томонидан ўтказилган тадбирда фирибгарлик фош этилди. Аризачига ўзини “Н”деб таништирган аёл 7 000 АҚШ доллари эвазига ички ишлар органларига ишга киритиб қўйишини айтиб, олдиндан 2000 АҚШ долларини олган вақтида ушланди.
Терговга қадар текширув ҳаракатлари давомида “Н” муқаддам ЖКнинг 168-, 223-моддалари билан 3 маротаба судланган Н.Х. эканлиги аниқланиб, пулларни ўз эҳтиёжи учун олганлиги, бошқа шахсга бериш нияти бўлмаганлигини билдирган.
Мазкур ҳолат юзасидан Жиноят кодексмнинг 25,168-моддаси 1-қисми ва 28, 211-моддаси 1-қисми билан жиноят иши қўзғатилиб, туман прокуратураси томонидан дастлабки тергов ҳаракатлари олиб борилмоқда.
М.Сулаймонов, ЎзА мухбири