Xanchjou shahrida o‘tayotgan Paraosiyo o‘yinlarining erkaklar o‘rtasidagi S13 klassida 200 metrga individual kompleks usulda suzish bahslarida ishtirok etgan Firdavsbek Musabekov bronza medalni qo‘lga kiritdi. Bu uning para suzish bo‘yicha qo‘lga kiritgan uchinchi medali.

Para yengil atletikaning ayollar o‘rtasidagi F11 klassida disk uloqtirish bahslarida ishtirok etgan hamyurtimiz Shahnoza Adhamova 27.08 metr natija bilan bronza medali sohibi bo‘ldi.  

IV Paraosiyo o‘yinlari davom etmoqda.  

Javohir Toshxo‘jayev, O‘zA