Финляндиянинг Ўзбекистондаги Фавқулодда ва мухтор элчиси Илкка Ряйсянен бошчилигидаги делегация "Ўзбекипаксаноат" уюшмасига ташриф буюрди.

Меҳмонлар уюшманинг шоуруми билан танишди. Уларда ўзбек миллийлигидан далолат бериб турувчи ипакдан тайёрланган турли матолар катта таассурот қолдирди.   

Шунингдек, делегация вакиллари юртимизда соҳанинг қисқа муддатдаги ривожланиш босқичи билан танишди. Улар бу соҳа Финляндия ва Скандинавия давлатларида катта потенциал бозорга эга эканини таъкидлади.   

Шу куни жаноб элчи ўз твиттер саҳифасида "Ўзбекистон энг сифатли ва юмшоқ ипак маҳсулотлари ишлаб чиқаради ва у бугун дунёдаги 3-йирик ипак ишлаб чиқарувчи" дея пост қолдирди.   

Гулноза Бобоева,

ЎзА