Болгариянинг София шаҳрида бокс бўйича нуфузли «Странжа» халқаро турнири қизғин паллага кирди.

Мусобақада тажрибали чарм қўлқоп усталари муросасиз баҳсларга бой ўтаётган турнирнинг ярим финал босқичига йўл олди. Ушбу босқичда Ўзбекистон терма жамоасининг 7 нафар боксчиси иштирок этишга муяссар бўлди. 

Бугун бўлиб ўтадиган ярим финал баҳсларида қуйидаги спортчиларимиз финал йўлланмаси учун рингга кўтарилади: 

-52 кг: Турсуной Раҳимова - Тетиана Коб (Украина) (18:10дан сўнг) (кундузи, А ринг) 
-51 кг.: Ҳасанбой Дўсматов - Тимур Кабдешов (Қозоғистон) (21:40дан сўнг) (кечки, А ринг) 
-57 кг.: Абдумалик Халаков - Всеволод Шумков (Россия) (22:40дан сўнг) (кечки, А ринг) 
-80 кг: Одилжон Аслонов - Кромвил Комми (Италия) (22:40дан сўнг) (кечки, Б ринг) 
-92 кг.: Мадияр Саидраҳимов - Абзал Куттибеков (Қозоғистон) (23:40дан сўнг) (кечки, Б ринг) 
-63,5 кг.: Мужибилло Турсунов - Абзал Серик (Қозоғистон) (23:40дан сўнг) (кечки, А ринг) 
+92 кг.: Лазизбек Мулложонов - Нурлан Сапарбай (Қозоғистон) (23:55дан сўнг) (кечки, А ринг).


 

Жавоҳир ТОШХЎЖАЕВ, ЎзА