“Дўстлик садоси”

Бугунги кунда юртимизда 23 минг нафардан зиёд бошқирд миллати вакиллари яшайди. Бошқирдлар кўп асрлардан буён ўз тарихи, урф-одатлари, миллий анъаналарини асраб келаётган халқ. Уларнинг яшаш тарзи, ўзига хос қадриятлари ҳақида Бошқирд миллий маданий маркази раиси ўринбосари Фина Набиева қуйидагиларни гапириб берди.

— Бошқирд миллий маданий маркази Ўзбекистонда расмий равишда иш бошлаганига 35 йил бўлди, — дейди Фина Набиева. —Марказимизда нафақат бошқирдлар, балки татарлар, руслар ва яна кўплаб миллатлар ҳам бор. Бошқирдлар асосан Бухоро, Самарқанд, Тошкент ва Қўқон шаҳарларида яшайди. Бизнинг урф-одатларимиз кўпроқ ўзбекларнинг миллий қадриятлари, анъаналарига ўхшаб кетади. Кўплаб бошқирдлар ўзбек тилида бемалол гапиришади. Ўзбек халқи билан дўстона яшаётганимиздан биз жуда ҳам шодмиз.

Шунингдек, Фина опа суҳбат давомида бугунги кунда бошқирдларнинг тўй-маросимлари, миллий мусиқа ва рақслари, либослари ҳамда энг машҳур таомлари ҳақида гапириб берди.

Суҳбатнинг тўлиқ қисмини ЎзАнинг YouTube канали орқали кўришингиз мумкин. 

<iframe width="1250" height="703" src="https://www.youtube.com/embed/bZ4IJn5hhio" title="Fina Nabiyeva: Boshqirdlar o‘zbek xalqi bilan do‘stona yashab kelmoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Нигора Раҳмонова, 
Ёқуб Мелибоев (видео), Анвар Аҳмедов (монтаж) 
ЎзА