«Милан» клубы мен Италия құрамасының бұрынғы шабуылшысы Филиппо Индзаги «Реджина» клубына бас бапкері болды. Бұл туралы клуб сайтында жарияланды.

«Пиппоға біздің жобаның бір бөлігі болуға келісім бергені үшін рахмет», - деген «Реджина» клубының иесі Фелис Саладини. 

Өткен маусымның соңында команда Италия чемпионатындағы екінші мықты лига саналатын Б серияда 14-орынға ие болды.

48 жастағы Филиппо Индзаги бұған дейін «Милан», «Венеция», «Болонья» және «Беневенто» мен «Брессия» клубтарын жаттықтырған.

Италия құрамасымен бірге Индзаги 2000 жылғы Еуропа чемпионатының күміс жүлдегері және 2006 жылғы әлем чемпионатының жеңімпазы саналады.