Rossiya Federatsiyasining Sankt-Peterburg shahrida fijital-futbol bo‘yicha o‘tkazilgan “FBL Phygital Cup” xalqaro turnirida mamlakatimiz sportchilari muvaffaqiyatga erishdi.

O‘zbekiston fijital-futbol jamoasi aylanma tizimda tashkil etilgan o‘yinlarda raqiblarini maydondagi bahslarda ham, raqamli platforma yo‘nalishidagi kurashlarda ham mag‘lub etdi. O‘z iqtidori va g‘alabaga bo‘lgan kuchli irodasini namoyish etgan hamyurtlarimiz turnir g‘olibiga aylandi.

Ushbu g‘alaba mamlakatimiz vakillari uchun joriy yil Qozog‘istonda o‘tadigan “Kelajak o‘yinlari-2026” musobaqalariga tayyorgarlikning muhim bosqichi ekani bilan ahamiyatli.

T.Ro‘ziyev, O‘zA