ФИФА және УЕФА өзара келіссөздерден кейін Украинадағы әскери жағдайға байланысты Ресей құрамасы мен клубтарын барлық халықаралық турнирлерден шеттетті.

Ресми мәлімдемеде, ФИФА футболдан Ресей құрамаларын барлық халықаралық турнирлерден шеттеткен. Атап айтқанда, 2022 жылғы әлем чемпионатының плей-офф кезеңінде Польшаға қарсы ойнайды деп жоспарланған Ресей құрамасы 2022 жылғы әлем чемпионатына мерзімінен бұрын бара алмайтын болды.

Еуропалық футбол қауымдастықтарының одағы - УЕФА да ресейлік клубтарды өз туы астында өтетін барлық халықаралық турнирлерден шеттеткенін хабарлады. Атап айтқанда, Еуропа лигасының 1/8 финалында 10 және 17 наурызда «Лейпцигпен» ойнайтын мәскеулік «Спартак» клубы турнирмен қош айтысты.

«Футбол - Украинадағы оқиғалар шеңберінде жәбір көріп жатқан баршаның қайғы-қасіретін сезінгенін паш етті. ФИФА мен УЕФА президенттері Украинадағы жағдай жақын арада жеңілдеп, футбол халық арасындағы татулық пен ынтымақты насихаттайды деп үміттенеді», делінген хабарламада.