Afsuski, Oʻzbekiston milliy terma jamoasi 1286 ball bilan yangilangan reytingda ikki pogʻonaga pastladi va 84-oʻringa joylashdi. Bu koʻrsatkich bilan vakillarimiz Osiyo davlatlari orasida 10-oʻrinni egallab turibdi. Qatar davlatida oʻtadigan JCH-2022 saralash bahslaridagi asosiy raqibimiz Saudiya Arabistoni terma jamoasi esa 1342 ball bilan 68-oʻrinda qayd etilgan. Qolgan raqiblarimizning oʻrinlari quyidagicha: Falastin – 102-oʻrin, Yaman – 142 hamda Singapur – 162.

Reytingni hamon JCH-2018 bronza medali sohibi Belgiya boshqarib bormoqda. Ular hisobida 1746 ball mavjud. Keyingi pogʻonani Kopa Amerika-2019 gʻolibi Braziliya egallab turibdi. Pentakampeonlar 1726 ballga ega. Kuchli uchlikni esa amaldagi jahon chempioni Fransiya terma jamoasi yakunlagan.

FIFA reytingi. TOR-10

1.Belgiya – 1746

2.Braziliya – 1726

3.Fransiya – 1718

4.Angliya – 1652

5.Urugvay – 1637

6.Portugaliya – 1631

7.Xorvatiya – 1625

8.Kolumbiya – 1622

9.Ispaniya – 1617

10.Argentina – 1610

Osiyo vakillari orasida eng yaxshi natija hamon Eronga tegishli. Forslar umumiy reytingda 23-pogʻonani band etgan. OFK reytingida kuchli beshlikdan har galgidek Yaponiya, Janubiy Koreya, Avstraliya hamda joriy yil boshida shov-shuvli tarzda qitʼa chempioniga aylangan Qatar terma jamoalari oʻrin olgan.

OFK vakillari:

23.Eron – 1518

33.Yaponiya – 1481

37.Janubiy Koreya – 1467

46.Avstraliya – 1436

62.Qatar – 1375

65.BAA – 1360

68.Saudiya Arabistoni – 1342

71.Xitoy – 1333

77.Iroq – 1315

84.Oʻzbekiston – 1286

87.Suriya – 1277

87.Ummon – 1277

87.Livan – 1277

95.Qirgʻiziston – 1252

102.Falastin -1224

142.Yaman – 1073

162.Singapur – 999