ФИФА президенті Жанни Инфантино Мысырда өткен саммитке қатысты. Бұл кездесу Газадағы атысты тоқтату жөніндегі келісімді ресми түрде бекітуге арналды.

«ФИФА үшін бұл жерде болу өте маңызды - біз қолдау көрсетіп, көмек беріп, бейбітшілік процесінің сәтті болуына сенімді болуымыз қажет.

Футболдың басты рөлі қолдау көрсету, бірлесу және үміт сыйлау. Біз Палестина футбол қауымдастығымен бірлесе отырып, Газадағы барлық футбол нысандарын қайта қалпына келтіреміз, футболды қайта әкелеміз және балалар үшін футбол арқылы жаңа мүмкіндіктер ашамыз», — деді Инфантино.