Халықаралық футбол федерациясының (ФИФА) басшысы Джанни Инфантино әлем чемпионатын үш жыл сайын өткізуді ұсынды.

Daily Mail хабарлауынша, Инфантиноның идеясына 18 қарашада Қатарда аяқталған 2022 жылғы әлем чемпионатының коммерциялық және спорттық табысы түрткі болған. Турнирден түскен табыс рекордтық 7,1 миллиард еуро болды, бұл 2018 жылы Ресейде өткен әлем чемпионатынан 1 миллиардқа көп.

2030 жылға дейін ешқандай өзгеріс болмайды, өйткені бұл дата соңына дейін халықаралық күнтізбе бойынша келіссөздер аяқталған.

Қазіргі уақытта әлем чемпионаттары дәстүрлі түрде төрт жылда бір рет өткізіледі.

Еске салар болсақ, 2026 жылғы әлем чемпионаты АҚШ, Канада және Мексикада өтеді. Оған 48 ұлттық құрама қатысады. 2030 жылғы әлем чемпионатының қожайыны әлі таңдалмаған.