Сауд Арабиясының футбол федерациясы Әлем чемпионатын екі жылда бір рет өткізуді ұсынды. ФИФА тиісті ұсынысты төрт жылда емес, екі жылда бір рет өткізу идеясын қарастыруға дайын екенін мәлімдеген.

«Біз футболдың болашағы шешуші кезеңде деп санаймыз. Футболмен кездесетін көптеген мәселелер қазіргі кезде жалғасып жатқан пандемиямен одан әрі ушығып барады. Қазіргі төртжылдық цикл футболды бәсекеге қабілетті және коммерциялық тұрғыдан, сондай-ақ футболдың жалпы дамуы үшін басқарудың оңтайлы негізі болып қала ма деген мәселені қайта қарау маңызды. Ұлттық құрама үшін азырақ, бірақ мағыналы матчтарды өткізу ойыншылардың әл-ауқатына қатысты мәселелерді шешуге мүмкіндік береді, сонымен бірге мұндай жарыстардың құндылығы мен қадір-қасиетін арттырады», - деп өз ұсынысын жолдаған Сауд Арабиясының футбол федерациясы.

Сауд Арабиясының ұсынысын 166 ұлттық футбол федерация қолдау білдірген және 21 федерация өз ұстанымдарын қазірше нақтыламаған.

ФИФА президенті Джованни Инфантино бұл ұсынысқа жауап беріп: «Біз бұл мәселені зерттеуіміз керек, бірақ бізде бар нәрсеге қауіп төндіретін шешім қабылдағымыз келмейді. Біз әлем чемпионатының қадірін білеміз, маған сеніңіз», деген «Goal» басылымына берген сұхбатында.