Сирдарё вилояти Боёвут туманилик Жамила Усмонова таълим-тарбия тизимида самарали фаолият юритаётган фидойи педагоглардан.

Жамила Усмонова 2004-2008 йилларда Гулистон давлат университетининг филология факультетида таҳсил олган. Меҳнат фаолиятини 2008 йил Боёвут туманидаги 46-умумтаълим мактабида бошлаган. Ҳозирги кунда Наби Ғаниев номидаги 3-умумтаълим мактабида она тили ва адабиёти фанидан ўқувчиларга сабоқ беради.  

17 йиллик педагогик тажрибаси давомида у 500 нафардан зиёд ўқувчининг нуфузли олий таълим муассасаларига ўқишга киришига муносиб ҳисса қўшди. Шунингдек, мактабда хотин-қизлар бошланғич ташкилоти етакчиси сифатида маънавий-маърифий тадбирларни самарали ташкил этиб келмоқда. Педагог ташаббуси билан мактабда “Қизларжон” клуби фаолияти йўлга қўйилган.

[gallery-26861]

Жамила Усмонова 2022 йил “Алла айтган – етар муродига”,  “Йил аёли” миллий танловларида совринли ўринларни эгаллаган.   

<iframe width="640" height="420" src="https://www.youtube.com/embed/V_4i4PGe5rA" title="Fidoyi pedagog" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Шаҳриёр ОРТИҚБОЕВ (сурат, видео), ЎзА