Халықаралық шахмат федерациясы (ФИДЕ) Өзбекстан шахмат федерациясын «FIDE OUTSTANDING CONTRIBUTION AWARD 2025» сыйлығымен марапаттады.

Бұл туралы ФИДЕ-нің ресми ақпарат қызметі хабарлады.

Аталған беделді марапат жыл бойында шахматты дамытуға қосқан зор үлес, халықаралық аренадағы маңызды жетістіктер мен тиімді ынтымақтастықты жолға қойған, «ақыл-ой гимнастикасын» өркендетуге елеулі үлес қосып келе жатқан федерацияларға табысталады.

Айта кетерлік жайт – ФИДЕ тарапынан Өзбекстан шахматының осылайша мойындалуы елде жастар, соның ішінде жалпы халық арасында шахматты кеңінен насихаттау, жас дарындарды қолдау және халықаралық аренада Өзбекстанның беделін арттыру бағытында атқарылып жатқан ауқымды жұмыстардың лайықты бағаланғанының айғағы деуге болады.