Халықаралық шахмат федерациясы (FIDE) өзінің демеушілігімен өтетін жарыстарда төрешінің бейне көмекшісі (VAR) жүйесін енгізуді жоспарлап отыр.

Жаңа idChess технологиясы сынақтан өтетін бірінші турнир жастар арасындағы шахматтан Батыс Азия чемпионаты – 2023 (Western Asia Youth Chess – 2023) болатыны хабарланды.

FIDE ақпаратына сәйкес, шахматта VAR қолдану үш кезеңде жүзеге асырылады: 

1) Ойыншылардың бірінің тәртіп бұзғанын төрешіге қарсыласының өтініш жасауы;

2) VAR шолуы және ұсыныстары (idChess платформасын пайдаланатын трансляция болса, төреші мобильді қосымшада ойын трансляциясын тоқтата алады және VAR көмегімен ойыншылардың мінез-құлқын көрсететін ойынның бейнесін көре алады);

3) Шешім қабылдау.