Олий Мажлис Қонунчилик палатасининг мажлисида депутатлар Ўзбекистон Республикаси Олий Мажлисининг Инсон ҳуқуқлари бўйича вакили (омбудсман)ни сайлаш тўғрисидаги масалани ҳам кўриб чиқди.

Ўзбекистон Республикаси Конституциясининг 93-моддаси 16-банди ҳамда “Ўзбекистон Республикаси Олий Мажлисининг Инсон ҳуқуқлари бўйича вакили (омбудсман) тўғрисида”ги қонуннинг 6-моддасига асосан Феруза Эшматова Олий Мажлиснинг Инсон ҳуқуқлари бўйича вакили (омбудсман) лавозимига тавсия этилди.

Мажлисда депутатлар савол-жавоб, муҳокамалардан сўнг Феруза Эшматова номзодини Ўзбекистон Республикаси Олий Мажлиси Инсон ҳуқуқлари бўйича вакили (омбудсман) лавозимига сайлади.

М.Комилова, ЎзА