Индонезиянинг Бали шаҳрида ўтаётган қиличбозлик бўйича Осиё чемпионатида Ўзбекистон терма жамоаси илк медалини қўлга киритди.

Чемпионатнинг аёллар ўртасидаги сабля йўналишида терма жамоамиз аъзоси Фернанда Эррера чорак финалда қозоғистонлик Айгерим Сарибайни 15:14 ҳисобида мағлубиятга учратди ва ярим финалга йўл олди.  

Афсуски, қиличбозимиз ярим финалда “Париж-2024” ёзги Олимпия ўйинлари совриндори япониялик Мисаки Эмурага имкониятни бой бериб қўйди ва бронза медалини қўлга киритди.

Жавоҳир Тошхўжаев,

ЎзА