Фeрмeрнинг рeжалари катта
Чорвадорлар молларнинг озуқасини кўпайтириш мақсадида яна 2 минг тоннага яқин силос тайёрлашни режалаштирмоқда.
Қорақалпоғистон Республикаси Элликқалъа туманидаги «QUDRAT SANʼAT» фермер хўжалиги чорвачиликка ихтисослаштирилган. 2005 йилдан буён фаолият кўрсатиб келаётган хўжалик чорвачилик комплексида 250 бош наслли қорамол боқилмоқда.
- Хўжалигимиз асосан наслли молларни кўпайтиришга ихтисослашган. 2021 йил биринчи чораги якунигача 150 бошқа яқин бузоқ олишни мўлжаллаганмиз. Ҳозирда хўжалигимизда 32 ишчи меҳнат қилмоқда, - дейди фермер Қудрат Хўжаев.
Фермер хўжалигида 127,8 га ер майдони бўлиб, шундан жорий йил баҳор ойларида 55 гектарга беда, 72 гектарга дон ва маккажўхори экилган. Шу кунгача чорва молларининг кузги ва қишки озуқаси учун 500 тонна беда ва 400 тоннага яқин сомон тайёрланган. Чорвадорлар молларнинг озуқасини кўпайтириш мақсадида яна 2 минг тоннага яқин силос тайёрлашни режалаштирмоқда.
