“O‘zenergoinspeksiya” Buxoro viloyati hududiy boshqarmasi, IIB hamda Iqtisodiy jinoyatlarga qarshi kurashish departamenti hududiy bo‘limi hamkorligida nazorat tadbiri o‘tkazildi.

Tadbir davomida Jondor tumanida joylashgan “Z.O.Z.F.” fermer xo‘jaligida elektr hisoblagichiga tashqi ta’sir ko‘rsatilib, elektr energiyasidan noqonuniy foydalanilganligi aniqlandi. Dastlabki hisob-kitoblarga ko‘ra, mazkur qoidabuzarlik natijasida elektr ta’minoti korxonasiga 156,8 million so‘m miqdorida moddiy zarar yetkazilgan.

Hozirda huquqni muhofaza qiluvchi organlar tomonidan holat yuzasidan tekshiruv ishlari olib borilmoqda.

Zarif Komilov, O‘zA muxbiri.