Ферғана облысының Риштан ауданында Қырғыз Республикасына өтетін жасырын жерасты жолы табылды.

2022 жылдың 23 маусымында Өзбекстан Республикасының Мемлекеттік қауіпсіздік қызметі Шекара әскерлері әскери қызметінің МҚҚ Ферғана облыстық басқармасы мен облыстық ішкі істер департаменті бірлесіп жүргізген операция барысында Риштан ауданының тұрғыны Т.М. басқарған жүк көлігі тоқтатылып, тексерілді.

Тексеру нәтижесінде көлікте тиісті құжатсыз, болжамды құны 15 миллиард сумдық 2707дана ұялы телефондар (iPhone 13 Pro Max, Samsung Galaxy S 22 ultra, RedMe Note 11 pro және т.б.) табылып, процедуралық түрде ресімделеді.

Сондай-ақ жедел жүргізген операция аясында, азамат Т.М. тұратын үйді тексеру барысында Қырғыз Республикасының Баткен облысы Қадамжай ауданы аумағына апаратын ені 1-1,5 метр, биіктігі 2 метр, ұзындығы шамамен 130 метр жерасты жолының бар екені анықталды.

Бұл жасырын жер асты жолы Қырғыз Республикасынан жүк тасымалдауға арналған.

Қазіргі уақытта қылмыстық кодекстің тиісті баптары бойынша қылмыстық іс қозғалды.